Æрыгон хъæппæрисджын адæмы фæрцы мыхуыры рацыд ирон адæмы уарзон персонажтимæ ахорæнты чиныг
Нарты кадджыты хъайтартæ – сывæллæтты чингуыты. Æрыгон хъæппæрисджын адæмы фæрцы мыхуыры рацыд ирон адæмы уарзон персонажтимæ ахорæнты чиныг. Йæ тираж у 3 мин экземпляры. Проекты архайынц 4 адæймаджы: Хуыгаты Ацæмæз, Таболты Дзантемыр, стæй нывгæнджытæ Елизавета Бугайцова æмæ Хуыгаты Агуындæ. Проекты сæйраг хъуыды у – нарты рагон истори республикæйы цæрджытæй æппæты кæстæртæн бауарзын кæнын. Æмбырдгонд мыхуыры рауадзыны размæ, æрыгон автортæ ныхас кодтой нарты кадджытæ иртасджытимæ, историктимæ. Фæндыди сæ нарты кадджытæм хæстæг чи уыдзæн, ахæм æмбырдгонд рауадзын. Хъуамæ дзы рæдыд, кæнæ бæлвырдгонд чи нæ уа, ахæм хъуыддаг ма рцыдаид. Ахорæнты чиныг балхæнæн ис базарадон центрты. Зæгъдзыстæм ма уый дæр, æмæ проекты атвортæм фидæнмæ дæр ис бирæ фæндтæ æмæ нысантæ.
