Уый тыххæй йæ телеграм-каналы фехъусын кодта Сергей Меняйло. Куыстытæ æххæстгонд цæуынц паддзахадон программæ «Хъæуккаг территориты райрæзт» æмæ национ проект «Ахуырад»-мæ гæсгæ.
Республикæйы сæргълæууæг куыд загъта, афтæмæй бæстыхæйттæ сарæзтой Советон рæстæг. Уæдæй нырмæ сæ бындуронæй фыццаг хатт цалцæг кæнынц. Куыстытæн сæ фылдæр хай æххæстгонд æрцыд. Скъолайы æддаг къул байсæрстой æмæ сахуырстой, рæвдауæндоны та фесты къултæ æмæ пъолтæ аивгонд. Ныртæккæ æвæрынц сантехникæ æмæ хъармгæнæнтæ. Рацарæзты фæстæ скъолайы сывæллæттæн гæнæн уыдзæн урокты фæстæ ахуыргæнæндоны баззайын алыхуызон спортивон æмæ сфæлдыстадон къордтæм цæуын. Сергей Меняйло ма куыд фехъусын кодта, афтæмæй Нартыхъæуы байгом кæндзысты ахуырадон центр «Точка роста» дæр. Хъæугæ технологон æмæ нымæцон ифтонггæрзтæ ныридæгæн балхæдтой.
