Антологимæ бацыд 5 ирыстойнаг фыссæджы дæр: Касаты Батрадз, Скъодтаты Эльбрус, Мамыкъаты Хъазыбег, Джусойты Марат æмæ Къадзаты Станислав.
Национ
литературæйæн æххуыс кæнгæйæ, мыхуыры рацыд чиныг «Поэзи. Уæрæсейы адæмты
нырыккон антологи». Хаст æм æрцыд 299 нырыккон уæрæсейаг поэты уацмысы.
Фыст сты 57 æвзагыл. Антологимæ бацыд 5 ирыстойнаг фыссæджы дæр: Касаты
Батрадз, Скъодтаты Эльбрус, Мамыкъаты Хъазыбег, Джусойты Марат æмæ Къадзаты
Станислав. Æппæт уацмыстæ фыст сты национ æмæ уырыссаг æвзагыл. Ацы куыстмæ се
вæрæн бахастой нæ бæстæйы хуыздæр тæлмацгæнджытæ. Чиныджы тираж у æрмæстдæр
1500 экземпляры. Уымæ гæсгæ æмбырдгонд нымад æрцыд библиографион стæмдзинадыл.
Йæ разныхасы Уæрæсейы Президент Владимир Путин фыссы: » Фидарæй мæ уырны,
чиныг «Поэзи. Уæрæсейы адæмты нырыккон антологи» хæссы арф мидис æмæ
хæс. Уымæн æмæ йæм се вæрæн бахастой нæ бæстæйы хуыздæр нырыккон поэттæ. Уый та
хуыздæрырдæм ахады национ литературæйы рæзтыл. Æмæ цымыдисдзинад æвзæрын кæндзæн
æппæт чиныгкæсджытæм». Ирыстойнаг литературæ уарзджытæн ног чиныгимæ
базонгæ кæныны фадат ис Национ наукон библиотекæйы.
