Национ музей æмæ йæ филиалтæ 2023-æм азы бабæрæг кодтой 110 мин адæймаджы.
Æрмæст ацы азы райдианæй та культурон куыстуæттæм бацыдысты 120 мин адæймагæй фылдæр. Ахæм бæрæггæнæнтæ хицауады хæдзары æмбырды фехъусын кодта национ музейы разамонæг Цуциты Аслан. Йæ фиппаинагмæ гæсгæ, фарон нæ республикæ сæххæст кодта 60 равдыстадон проекты, ацы азы райдианæй та 50. Æппæт музейтæ дæр архайынц проект Пушкинская карта-йы. Ацы аз республикæ райста федералон субсиди 25 милуан сомы. Уыцы фæрæзтæй музейты æрæвæрдзысты ног ифтонгарз, балхæндзысты тæрхæджытæ, рухсгæнæнтæ æмæ афтæ дарддæр.
Дзанайты Барис куыд фæбæрæг кодта, афтæмæй Национ музейы хъæуы фылдæр пайда кæнын нырыккон техникон фæрæзтæй æмæ интернеты авналæнтæй. Нæ сæйрагдæр нысан у музейы филиалтæм фылдæр адæм æрбаздахын – бахахх кодта хицауады сæрдар.
