23 августа 2024, 11:07
Национ музейы абон байгом уыдзæн цымыдисаг равдыст. Баст у легендарон капитан Кучиты Юрийы 105 азы бонимæ.
17-æм августы 1977-æм азы атомон ихсæттæн нау «Арктикæ» Кучиты Юрийы разщамындæй бахæццæ Цæгатаг полюсмæ. Уыцы цау барынц, Юрий Гагарин космосмæ куыд атахт, уыимæ. Уый размæ дæр легендарон капитанæн уыд цымыдисаг фæндаг. Равдыст саразыныл бакуыстой «Дунейы денджызы музей»-ы филиал Санкт-Петербурджы, музей-фæдзæхст бынат Ледокол «Красин», стæй Цæгат Ирыстоны Национ музей. Равдыстмæ бахастой ихсæттæн нау «Арктикæ»-йы капитаны хи дзаумæттæ, тетрæдтæ, хуызистытæ, китель æмæ фуражкæ, æмæ æндæр цымыдисаг экспонаттæ. Хицæн ныхасы аккаг у, Кучиты Юрий йæхæдæг кæй скодта, ахæм чысыл гауыз. Арæзт у денджызон æлхынцъы хуызы. Зæгъдзыстæм ма уый дæр, æмæ равдыст ахæсдзæн 29-æм сентябры онг.

темæмæ гæсгæ