Фестивалы программæ æххæст кæнгæйæ ма арæзт æрцыд армукъа-равдыст «Адæмон æрмдæсныйады хæзнатæ»
Цæгат Ирыстоны Национ музейы байгом 3-аг Æппæтуæрæсеон этнофестиваль «РОН 2025». 50 æрмдæсныйæ фылдæр Мæскуыйæ, Дæллаг Новгородæй, Оренбургæй, Саратовы облæстæй, Стъараполы крайæ, Хъырымæй, Дагестанæй, Кæсæг-Балхъарæй, Хъæрæсе-Черкесийæ, Адыгейæ, Цæгат æмæ Хуссар Ирыстонæй бацæттæ кодтой сæ куыстытæ. Фестивалы программæ æххæст кæнгæйæ ма арæзт æрцыд армукъа-равдыст «Адæмон æрмдæсныйады хæзнатæ». Кусдзæн 3-æм августы онг. Уымæй дарддæр арæзт æрцæудзысты дæсныйадæвдисæг ахуыртæ зырнæй зилынæй, æлыгæй кусынæй, ирон кæлмæрзæнтæ быйынæй æмæ æндæр традицион æрмдæсныйады хуызтæй. Фестиваль фæци концертæй æмæ дефилейæ. Эксклюзивон коллекцитæ бацæттæ кодтой нæ бæстæйы 16 дизайнеры. Этнофестивалы сæйраг нысан у – традицион æрмдæсныйады хуызтæ, уæлæдарæс, музыкæ æмæ кæфтытæ парахат кæнын. Стæй ма национ аивад ахуыр кæнын, æмæ нырыккон модæйы этникон мотивтæй пайда кæнын.
