Егъау проекты архайы 40 нывгæнæгæй фылдæр
Пейзаж, натюрморт, абстрактон композицитæ… Алы хуызты æмæ алы жанрты куыстытæ. Æмæ алкæцы дæр – хицæн ныхасы аккаг. Цæгат Ирыстоны Национ музейы байгом хæрзаудæн равдыст «Искусство СВОим». Егъау проекты архайы 40 нывгæнæгæй фылдæр. Алчидæр сæ равдыстмæ бахаста 1 кæнæ 2 куысты. Æдæппæтæй экспозицийы фенæн ис 80 нывæй фылдæр. Уыимæ сты алы жанрты конд. Архайджыты *хсæн: Уæрæсейы адæмон æмæ сгуыхт нывгæнджытæ Бедойты Шалва, Челæхсаты Магрез, Джыккайты Мурат, Цæллагты Виктор, Абысалты Юрий, Калманты Алан, Цæгат Ирыстоны адæмон нывгæнæг Гасынты Жорж, Уæрæсейы нывгæнджыты цæдисы уæнг Айларты Олланæ æмæ иннæтæ. Аивадуарзджытæн сæ бон балхæнын уыдзæн, сæ зæрдæмæ цавæр куыст фæцæуа, уый. Фæрæзтæ та æрвыст æрцæудзысты сæрмагонд æфсæддон операцийы архайджытæн æххуысы фондмæ. Афтæмæй нывгæнджытæ сæ аивадæй баххуыс кæндзысты нæ хъæбатыртæн. Зæгъдзыстæм ма уый дæр, æмæ равдыст кæй ахæсдзæн 31-æм мартъийы онг.
