Цымыдисаг проектыл бакуыстой Санкт-Петербурджы цæрæг бинонтæ Хæтæгты Алан æмæ Катерина Бородавченко
Национ музейы равдыстадон залы байгом равдыст «Смех, слезы и сны». Цымыдисаг проектыл бакуыстой Санкт-Петербурджы цæрæг бинонтæ Хæтæгты Алан æмæ Катерина Бородавченко. Уыдон кусынц нырыккон реализмы къабазы. Афтæмæй баиу кæнынц классикон нывкæнынад æмæ актуалон сюжет. Проект у уникалон. Уымæн æмæ нывтæ конд сты формат тондойы. Алы тымбыл куыстæн йæ диаметр у 45 сантиметры онг. Хæтæгты Алан у Дзæуджыхъæуы аивадон училищæйы æмæ Санкт-Петербурджы паддзахадон аивадон-промышленнон академийы рауагъдон. Архайы абстрактон объекттæ, реалистон нывкæнынад æмæ графикæ аразыныл. Екатерина Бородавченко та каст фæци Санкт-Петербурджы аивадон академи. Ацы равдыст фенæн уыдзæн 17-æм февралы онг.
