Экспозицимæ хаст æрцыдысты 25 гобелены æмæ бирæ натюрморттæ, пейзажтæ, портреттæ æмæ афтæ дарддæр
Национ музейы залы байгом Гæбуты Азæйы юбилейон равдыст. Экспозицимæ хаст æрцыдысты 25 гобелены æмæ бирæ натюрморттæ, пейзажтæ, портреттæ æмæ афтæ дарддæр. Гæбуты Азæ каст фæци Цæгат Ирыстоны педагогон училищæ, уый фæстæ та Одессæйы паддзахадон педагогон институты аивæдты факультет. Куыста Цæгат Ирыстоны телеуынынады нывгæнæг-декораторæй. Уæрæсейы нывгæнджыты Цæдисы уæнгæн йæ куыстытæ æнтыстджын уыдысты куыд нæхи республикæйы, афтæ регионалон, æппæтуæрæсеон æмæ æппæтадæмон равдыстыты. Гæбуты Азæ æрмæст нывкæнынады куыст нæ кодта, куыста керамикæимæ дæр. Фæстаг азты та йе ргом аздæхта гобелены жанрмæ. Йæ куыстыты æрмдæсны йе ргом здахы нырыккон аивадмæ.
