Æппæт уыцы рæстæг уацмыс уыд æрмæст къухфысты.
Национ наукон библиотекæйы арæзт æрцыд
поэт-фронтовик Чехойты Сæрæбийы чиныг «Цæр»-ы презентаци. У æмдзæвгæты хуызы
фыст поэмæ ирон æвзагыл. Автор æй ныффыста йæ царды фæстаг аз – 1969-æм азы.
Æппæт уыцы рæстæг уацмыс уыд æрмæст къухфысты. Ныр Цæгат Ирыстоны сæргълæууæг
Битарты Вячеславы æххуысæй чиныг мыхуыры рацыд. Йæ тираж у 300 экземпляры.
Чехойты Сæрæбийы хæстæджытæ радзырдтой, чингуытæ кæй балæвар кæндзысты
республикæйы библиотекæтæн. Чехойты Сæрæби йæ цард снывонд кодта йæ адæмæн
лæггад кæнынæн. Архайдта Фыдыбæстæйы Стыр хæсты, куыста ахуыргæнæгæй æмæ
директорæй Алагиры скъолайы, районы газеты. Рауагъта æмдзæвгæты 4 æмбырдгонды.
Поэты ном æрхъуыды кæнынмæ æрæмбырд сты мыггаджы, сфæлдыстадон интеллигенцийы
æмæ æхсæнадон организациты минæвæрттæ. Дзæуджыхъæуы 38-æм скъолайы ахуырдзаутæ
бакастысты Сæрæбийы æмдзæвгæтæ. Чехойты Батраз та фехъусын кодта, ныртæккæ
мыггаг кæй архайы, Сæрæбийы барельеф сывæллæтты театр «Саби»-йы бæстыхайы цур
сæвæрыныл. Йæ рæстæджы поэт ацы культурæйы ардзæстæн лæвæрдта разамынд.
Чехойты Батраз: «Сæрæбийæн йе сфæлдыстадыл
кусын 2011-æм азæй фæстæмæ. Сарæзтам мадзæлттæ йæ райгуырды 95 азмæ, йæ 100
азмæ. Районы уыд æмдзæвгæты конкурс. Фыста хæсты тыххæй, æгад цы у, æмæ
æгъдæутты тыххæй».
