филиал вгтрк государственная телерадиовещательная компания “Алания”

Нырыккон нывкæнынады аивад Кавказы æгъдæуттимæ бабæттын. Национ наукон библиотекæйы байгом æрыгон ирыстойнаг æмæ дагестайнаг нывгæнджыты равдыст. Иу сæ кæны сæ историмæ уарзондзинад, цымыдисаг сфæлдыстад æмæ ног цæстæнгас. Равдыст схуыдтой « Чи мæ ферох кодта, уыцы рагфыдæлты зæрдыл дарын». Æрхъуыды йæ кодта дагестайнаг нывгæнæг, проекты куратор Тимур Мусаев – Каган. Равдыст байгом кодта нæ республикæйы хицауады сæрдар Такъоты Сергей. Экспозици фенынмæ æрбацыд Уæрæсейы адæмон артисткæ Гергиты Ларисæ дæр. Уæвгæ ацы проект у Нырыккон аивады Центры цæгаткавказаг филиалы хъæппæрисæй арæзт. Йæ сæйраг нысан у Кавказы сфæлдыстадон адæмы бастдзинад фидардæр кæнын. Ацы хатт равдыстыты залы фыццаг хатт спайда кæнæн ис интерактивон гиды лæггæдтæй дæр. Афтæмæй, нырыккон телефонты æмæ планшетты фæрцы ис бæлвырддæр информаци райсын æмæ фылдæр базонын.