Ацы хатт библиотекæйы аивадон литературæйы хайад æрбахуыдта æрыгон курдиатджын режиссер Золойты Фатимæимæ æмæ продюсер Ирина Талхановаимæ фембæлдмæ.
Национ наукон библиотекæ дарддæр æххæст кæны проект «Современник». Проекты хъайтартæ сæхи, æмæ сæ архайды тыххæй радзурынц сæхæдæг. Сты алы дæсныйæдтыл хæст адæм, фæлæ æнæмæнг хъуамæ уой ирд, сфæлдыстадон, нырыккон цардмæ куыдфæндыйы цæстæй чи нæ кæсы, æмæ йæхи граждайнаг цæстæнгас кæмæ ис, ахæм специалисттæ. Ацы хатт библиотекæйы аивадон литературæйы хайад æрбахуыдта æрыгон курдиатджын режиссер Золойты Фатимæимæ æмæ продюсер Ирина Талхановаимæ фембæлдмæ. Золойты Фатимæ ныридæгæн систа цалдæр цыбыр кинонывы. Чызджытæ радзырдтой се сфæлдыстады тыххæй. Адæмы базонгæ сæ куыстытимæ. Фембæлды ма ныхас кодтой Цæгат Ирыстоны кинематографы уавæрыл. бæлвырддæр та – цавæр гæнæнтæ ис ныртæккæ кино исынæн. Стыр æргом аздæхтой æрыгон сфæлдыстадон кусджытæм.
