Баст уыд Стыр Уæлахизы 80 азы бонимæ
Национ наукон библиотекæйы ахæм сæргондимæ арæзт æрцыд концерт. Баст уыд Стыр Уæлахизы 80 азы бонимæ. Программæйы уыдысты, йæхæдæг фронты чи уыд, ахæм ирыстойнаг композиторты уацмыстæ. Сæ фæдонтæн ныууагътой æнæмлгæ æмæ зæрдæмæхъаргæ музыкæ. Ис дзы рыст æмæ ныфс. Хæсты хъæбатыртæ канд уæлахиз не хсыстой, фæлæ ма хæсты фæстæ куыстой республикæйы культурæйы рæзтыл. Фронтовикты-композиторты уацмыстæ ацагътой зындгонд музыканттæ стæй æрыгон коллективтæ. Патриотон изæр саразыны хъæппæрис разынд аивадиртасыны доктор, Алексей Косыгины номыл Уæрæсейы паддзахадон университеты музыкæ иртасыны кафедрæйы профессор Бæтæгаты Татьянæ. Арæзт æрцыд, уæрæсейаг проект «Хъæбатырты музыкæ» æххæст кæнгæйæ. Концерт «Музы не молчат» ма иу хатт се ппæты зæрдыл æрлæууын кодта нæ адæмы хъæбатырдзинад.
