Абайты Васойы чиныг «Абайты Васо. Рагон ирайнаг æвзæгтæ æмæ текстытæ аудиофыстытæй 1982–1984-æм азты»
Национ наукон библиотекæйы арæзт æрцыд, абарæн кæмæн нæй, ахæм чиныджы презентаци. Абайты Васойы чиныг «Абайты Васо. Рагон ирайнаг æвзæгтæ æмæ текстытæ аудиофыстытæй 1982–1984-æм азты». Бацæттæ йæ кодтой профессор, Хуссар Ирыстоны наукæты сгуыхт архайæг Битарты Зойæ æмæ филологон наукæты кандидат Светлана Виноградова. Презентаци сси, Абайты Васойы райгуырды 125 азы кадæн мадзæлтты иу хай. Зындгонд ахуыргонды фæллæйттæ хаст æрцыдысты нæ бæстæйы филологийы сызгъæрин фондмæ. Чиныджы бакæсæн ис, Васо æвзагзонынады Институты цы лекцитæ æмæ семинартæ касти, уыцы аудиофыстыты текстытæ. Уым ирдæй зыны рагон персайнаг æвзаджы дуне. Чиныг баххæст кодтой уæлæмхасæн уацтæй, авторон тæлмацтæй, стæй ма тематикон библиографийæ. Уæлдай æхсызгон лæвар та уыд аудиоæфтуан – зындгонд ахуыргонды хъæлæс фехъусын. Презентаци скæныныл бакуыстой республикон газет «Северная Осетия», Цæгат Ирыстоны гуманитарон æмæ социалон иртæстыты институт, стæй Битарты мыггаджы совет.
