Фембæлдæй рауад хъæрмуд изæр
Национ наукон библиотекæйы арæзт æрцыд акци «Ног азы бинонты кæстытæ». Фембæлдæй рауад хъæрмуд изæр. Чехойты Фатимæ радзурдзæн бæлвырддæр.
14 бинонты минæвæрттæ Цæгат Ирыстоны алы районтæй сæмбырд сты национ зонадон чиныгдоны, иумæ дунеон классикæйы уацмыстæ бакæсынæн. Æппæтуæрæсеон акци «Новогодние семейные чтения вслух»-ы архайджыты хъуыдымæ гæсгæ, мадзал хорз фадат у сывæллæттæ æмæ ныййарджыты литературæйы фæрцы кæрæдзимæ фæхæстæгдæр кæнынæн. Уæлдайдæр та, уацмысты скъуыддзæгтæ адæмы размæ куы февзæрынц сценкæты хуызы, æмæ сурæттæ сæхиуыл мадзалы архайджытæ куы абарынц, афтæмæй. Чи сæм каст, уыдоны зæрдæты сæвзæрд Ног азы æнкъарæнтæ. Ахæм иумæйаг сфæлдыстадон куыстæн аргъ нæй, зæгъы фæзы куратор Хъæцмæзты Гермæн.
Мадзалы архайджытæм гæсгæ, фембæлд рауад хъæрмуд. Адæмæн фадат уыд, уарзон чингуытæй цы æхсызгондзинад райстой, уый сæ бинонты уæнгтимæ иумæ банкъарын. Литературон уацмыстæ кæсгæйæ, кæрæдзиимæ цы рæстæг арвыстой, уый сæ кæны æнгомдæр.
Акци «Живая классика» æххуыс у зæрдæты рухс æнкъарæнтæ сæвзæрын кæнынæн. Ахæм фембæлдты руаджы адæм бамбарынц, бинонты хуыздæр традицитæ хуымæтæг хъуыддæгтæй кæй райгуырынц, уый.
