Викторинæйы хæслæвæрдтæ баст уыдысты историимæ, географиимæ æмæ Уæрæсейы культурæимæ.
Адæмты иудзинады бонмæ Национ наукон библиотекæйы арæзт æрцыд интеллектуалон хъазт «РосКвиз». Викторинæйы хæслæвæрдтæ баст уыдысты историимæ, географиимæ æмæ Уæрæсейы культурæимæ. Квиз конд уыд æртæ хъазтæй: «Что? Где? Когда?», «Брейн-ринг», «Своя игра». Хъазты архайдтой 12 командæйы нæ республикæйы ахуыргæнæндæттæй. Уымæй дарддæр ма интеллектуалон хъæзтытæ чи уарзы, уыдоны командæ, æмæ парти «Иугонд Уæрæсейы фæсивæдон гвардийы къорд. Ерысгæнджытæн аргъ кодтой бæрнон жюрийы уæнгтæ. Афтæмæй хуыздæрыл нымад æрцыдысты командæтæ «Альфа» Дзæуджыхъæуы 38-æм скъолайæ, «Ура, товарищи» Цæгат Ирыстоны паддзахадон педагогон институтæй æмæ «Форум» медицинон академийæ. Хъазты æппæт архайджытæ райстой зæрдылдарæн лæвæрттæ, Уæлахиздзаутæн та радтой дипломтæ æмæ майдантæ.
