30 января 2025, 10:37
Национ наукон библиотекæйы арæзт æрцыд цымыдисаг изæр, «Пушкинский бал-фантазия», зæгъгæ
Мадзалы уыд Александр Пушкины поэзийæ ист сылгоймаджы фæлгонцты классикон уæлæдарæсы дефиле
Национ наукон библиотекæйы арæзт æрцыд цымыдисаг изæр, «Пушкинский бал-фантазия», зæгъгæ. Мадзалы уыд Александр Пушкины поэзийæ ист сылгоймаджы фæлгонцты классикон уæлæдарæсы дефиле. Æрыгон æмæ курдиатджын дизайнертæн фадат уыди Пушкины хъæздыг сфæлдыстадон бынтыл андзæвынæн, уыцы рæстæджы дунейы æууæлтæ банкъарынæн, йæ литературон хъайтартæ æмæ аргъæутты фæлгонцтæм абоны цæстæй бакæсынæн. Дефилейы рæстæг кастысты, уæды рæстæджы уæлæдарæс ирдæй æвдыст кæм цæуы, поэты уыцы æмдзæвгæтæ. Уазджыты хсæн – культурæйы кусджытæ æмæ Дзæуджыхъæуы ахуыргæнæндæтты скъоладзаутæ.
темæмæ гæсгæ
