Проект дзурæг у Цæгат Ирыстоны культурон æмæ историон объектты тыххæй
Национ наукон библиотекæйы байгом Æлборты Амыраны хуызистыты авторон равдыст «Наследие». Проект дзурæг у Цæгат Ирыстоны культурон æмæ историон объектты тыххæй. Алы къамы дæр ис QR-код бæлвырд хъусынгæнинагимæ. Проект æххæстгонд æрцыд фæсивæды хъуыддæгты Федералон агентады гранты æххуысæй. Æлборты Амыранæн ныридæгæн дæр уыди авторон равдыст «Царды мидæг». Бацæттæ йæ кодта 2 азы размæ. Уæд нывгæнæджы объективы уыдысты Сидахъаты Зауырбег, Адырхаты Светланæ, Гасситы Мурат, Гио «Пика», Хохойты Влад. Равдысты фæлгæты ма равдыстой Ирыстоны кинематографийы Академийы ист документалон кинонывтæ «Полковник Ксанти», «Позывной» æмæ «Хип хоп Осетия». Æлборты Амыран у кинонывты саразджытæй иу.
