Экспозицийы фенæн ис æвзонг курдиæтты 90 куысты онг
Национ наукон библиотекæйы байгом аивадон равдыст «Новые горизонты». Экспозицийы фенæн ис æвзонг курдиæтты 90 куысты онг. Сты Ижевскы аивадон-ахуырадон центр «Хорошая студия»-йы хъомылгæнинæгтæ. Нывкæнынады æмæ графикæйы куыстытæ конд æрцыдысты Уæллаг Фыййагдоны. Удмуртийæ сывæллæттæ Цæгат Ирыстоны уыдысты ивгъуыд аз сæрды. Сластой сæ нывгæнджыты æмæ педагогты бинонтæ Жанна Хорошавина æмæ Игорь Потин. 13 азы дæргъы сæ ахуыргæнинæгтæн аразынц пленэрон практикæтæ. Фыййагдонæй Ижевскмæ æвзонг курдиæттæ æрыздæхтысты ирд æнкъарæнтимæ. Жанна Хорошавина æмæ Игорь Потин сæ куыстыты æвдисынц Цæгат Ирыстоны раив-баивгæнгæ боныхъæд, стæй хæхты рæсугъддзинад. Зæгъдзыстæм ма уый дæр, æмæ ацы равдыст фенæн уыдзæн мæйы дæргъы.
