19 октября 2023, 11:47
Национ наукон библиотекæйы байгом нывгæнæг Игорь Хоронькойы куыстыты равдыст «Соединяя пространство»
Уæрæсейы нывгæнджыты Цæдисы уæнг цæры Пятигорскы
Регионты хсæн акци æххæст кæнгæйæ, национ наукон библиотекæйы байгом нывгæнæг Игорь Хоронькойы куыстыты равдыст «Соединяя пространство». Уæрæсейы нывгæнджыты Цæдисы уæнг цæры Пятигорскы. Цæгат Ирыстонмæ æрбаласта 60 куыстæй фылдæр. Се ппæт дæр дзурæг сты Цæгат Кавказы рæсугъд æрдзыл. «Соединяя пространство» у цæугæ экспозици. Йæ куыст райдыдта сæрды Стъараполы крайæ. Мастеры нывтæ конд сты ирд ахорæнты. Уый та дзурæг у ууыл, æмæ ирдæй æвдисынц нæ бæстæйы рæсугъдзинад æмæ хицæндзинад. Ныридæгæн равдыст федтой Цæгат Кавказы 8 регионы. Алкæцыйы дæр автор ныууагъта иу куыст лæварæн. Сфæлдыстадон акци фæуыдзæн Луганскы адæмон республикæйы. Уым та Игорь фæнд кæны 25 нывы балæвар кæнын.
