Баст у библиотекæйы 130 азы æмæ Адыгейы Республикæйы скæсæйнаг Паддзахадон музейы цæгаткавказаг филиалы 40 азы бонимæ
Национ Наукон библиотекæйы байгом равдыст «Цæгат Кавказы нывгæнджытæ». Баст у библиотекæйы 130 азы æмæ Адыгейы Республикæйы скæсæйнаг Паддзахадон музейы цæгаткавказаг филиалы 40 азы бонимæ. Экспозицийы фенæн ис нывкæнынады аивады нырыккон мастерты 60 куысты стæй Скæсæйнаг Паддзахадон музейы графикон куыстытæ. Фыццаг хатт проект «Цæгат Кавказы нывгæнджытæ» йæ куыст райдыдта 2015-æм азы Мæскуыйы, скæсæйнаг паддзахадон музейы. Уæд æмæ фæзынд стыр цымыдисдзинад. Равдыстытæ æнтыстджынæй ацыдысты Краснодары, Черкесскы, Грознайы, Налцыччы, Махачкалайы, Астарханы æмæ Карабулакы. Экспозицийы хыгъд алы горæты дæр ивта. Уыимæ йæм алы хатт дæр хаст цыдысты нывкæнынады аивады фæстаг æнтыстдзинæдтæ.
