10 октября 2024, 10:40
Национ наукон библиотекæйы уыд Хетæгкаты Къостайы «Ирон фæндыр»-ы презентаци англисаг æвзагыл
Уымæй уæлдай ма уыд поэмæ «Фатимæ»-йы æмæ Тугъанты Махарбеджы иллюстрацитимæ æмбырдгонд «Нарты кадджыты» презентаци
Национ наукон библиотекæйы уыд Хетæгкаты Къостайы «Ирон фæндыр»-ы презентаци англисаг æвзагыл. Уымæй уæлдай ма уыд поэмæ «Фатимæ»-йы æмæ Тугъанты Махарбеджы иллюстрацитимæ æмбырдгонд «Нарты кадджыты» презентаци. Англисаг æвзагмæ тæлмацтæ скодтой тæлмацгæнджытæ Уолтер Мэй, Гуытъиаты Эльмирæ æмæ Карсанаты Еленæ. Ирон фæндырæн цымыдисаг дизайн скодта нывгæнæг Николай Василенко. Чиныджы тираж у 300 эксземпляры. Йæ цъар аивгонд у поэты нывы репродукцийæ. Рауагъды редактор – Цæгат Ирыстоны паддзахадон университеты ирон филологийы факультеты декан Гуытъиаты Эльмирæ.
