Йæ уæлæмхасæн хуызыл та йын бакуыстой Цæгат Ирыстоны паддзахадон университеты журналистикæйы кафедрæйы сæргълæууæг, профессор Тедтойты Зинæидæ æмæ уырыссаг филологийы факультеты раздæры кусæг Дзатцеты Неля
Национ наукон библиотекæйы уыди «Къостайы премийы лауреатты» чиныджы презентаци. Чиныг рухс федта дыккаг хатт, йæ уæлæмхасæн хуызыл та йын бакуыстой Цæгат Ирыстоны паддзахадон университеты журналистикæйы кафедрæйы сæргълæууæг, профессор Тедтойты Зинæидæ æмæ уырыссаг филологийы факультеты раздæры кусæг Дзатцеты Неля. Чиныджы фенæн ис республикæйы кадджындæр премитæй иуы лауреатты тыххæй информаци. Ацы мыхуыры фæрæзы фæрцы цæстдарæн ис ирон адæмы историйы рæзтмæ дæр. Лауреаттæн преми у, сæ куыстытæн сын стыр аргъгонд кæй æрцыди, ууыл дзурæг. Уый та сæ сразæнгард кæндзæн ноджыдæр стырдæр æнтыстдзинæдтæм. Иу ныхасæй сын чиныг у тынг ахадгæ æмæ сæ зæрдæйæн зынаргъ.
