Автор адæмы размæ хæссы йæ куыстыты æмбырдгонд «Железный мир».
Абон Национ наукон библиотекæйы уыдзæн Пагæты Аслæнбеджы чиныджы презентаци. Автор адæмы размæ хæссы йæ куыстыты æмбырдгонд «Железный мир». Кæд фыссæджы ном æрæджы райхъуыст, уæддæр ын цыбыр рæстæгмæ бантыст йæхи базонын кæнын. Чиныджы бакæсæн ис Аслæнбеджы фыст æмдзæвгæтæ æмæ новеллæтæ. Авторы ныхæстæм гæсгæ, йæ куыстыты тематикæ у алыхуызон – уарзондзинадæй райдай æмæ политикæйæ фæуы. Адæймаджы миддуне, йе нкъарæнтæ, кæстæр æмæ хистæр кары адæмы ахастдзинæдтæ. Зæгъын хъæуы уый, æмæ фыссæджы фыццаг роман «Француз», уагъд æрцыд 4 азы размæ, æмæ тынг фæцыд чиныгкæсджыты зæрдæмæ. Чиныг кæсынц фæсарæнты, ныр та ныхас цæуы йæ ратæлмац кæныныл францусаг æазагмæ. Пагæты Аслæнбег у тибетаг медицинæйы специалист, 25 азæй фылдæр кæны дзæбæхгæнæн массаж. Аслæнбеджы нырыккон хуызы фыссынадæн стыр аргъ кæнынц дунейы фысджытæ æмæ поэттæ.
