Архайдзысты дзы, Хæххон Дыгургомы цард чи вдисы, ахæм къамтæ.
Национ парк «Алания» расидти сфæлдыстадон конкурс «Объективы – Дыгургом». Архайдзысты дзы, Хæххон Дыгургомы цард чи вдисы, ахæм къамтæ. Æвдисынц зайæгойты æмæ цæрæгойты дуне, æрдзон, историон æмæ культурон объекттæ. Конкурсæн хатдзæгтæ нысан кæнынц 20-æм февралы скæнын. Цæгат Кавказы æппæтæй къаддæр, фæлæ уыцы-иу рæстæг ахадгæдæр Национ парк «Алани» байгом кодтой 23 азы размæ. 55 мин гектары фæзуатыл ис æхсырæйхæссæг цæрæгойты 34 хуызы. Се хсæн: скæсæйнагкавказаг дзæбидыртæ, сагтæ, рувастæ æмæ афтæ дарддæр. Уæдæ мæргъты хуызтæ та сты 116. Национ парчы цæрæгойты 25 хуызы хаст æрцыдысты Уæрæсейы Сырх чиныгмæ. Рæсугъд æмæ дисыфтауæг æрдз у национ парчы сæйраг хæзна. Се хсæн цъититæ, минералон донгуырæнтæ, æхсæрдзæнтæ стæй уæлхохы цадтæ.