Ахæм гæнæн ис, 18 азы онг кæуыл цæуы, уыцы адæмæн
Æппæт хъæугæ процедурæтæ скæнæн ис иу бынаты. Национ проект «Æнæниздзинадхъахъхъæнынад»-мæ гæсгæ фадат ис диспансеризаци лæвар ацæуынæн. Ахæм гæнæн ис, 18 азы онг кæуыл цæуы, уыцы адæмæн. Рагдиагностикæ фадат дæтты низ афоныл рабæрæг кæнынæн æмæ хъæугæ мадзæлттæ сæххæст кæнынæн. Бæлвырддæр радзурдзæн Хъайтмазты Дзерассæ.
Тауаситы Мæирбег ныр цалдæр азы фæд-фæдыл æдзух ацæуы диспансеризаци. Ахæм фадат кæй ис, уый тыххæй базыдта йæ дохтырæй, æмæ ныр æрвылаз сбæлвырд кæны йе *нæниздзинад.
Диспансеризаци у национ проект «Æнæниздзинадхъахъхъæнынад»-ы сæйрагдæр къабæзтæй иу. Абоны онг лæвар иртæстытæ скодтой 144 мин хистæры, уый нысангонд æрвылазон пъланæй у 55 проценты бæрц, профилактикон æркæстытæ та ацыдысты 88 мин сывæллоны
Центр «Здоровье»-йы бындурыл æххæстгонд цæуы диспансеризацийы фыццаг къæпхæн. Хауынц æм анкетæ скæнын, ам ма сбарынц мидцæсты æлхъывдад глаукомæйы рагдиагностикæйæн, скæнынц туджы иумæйаг анализ, 40 азæй хистæр сылгоймæгтæн та ма – маммографи.
Фыццаг къæпхæны адæймагмæ рабæрæг кæнынц тæссаг фактортæ æмæ медицинон æвдисæнтæ уæлæмхасæн иртæстытæ сæххæст кæнынæн. Низ йæ райдайæн къæпхæны сбæрæг кæнын у сæйраг хæс.
Цæмæй диспансеризаци æнцонвадат уа, уый тыххæй ис рацæугæ хуызтæ дæр – архайы 11 цæугæ комплексы. Афæдзы райдианæй сæххæст кодтой 500 рацыдæй фылдæр, æркастысты 24 мин адæймагмæ.
40 азы онг кæуыл цæуы, уыцы адæмы диспансеризаци цæуын хъæуы 3 азы иу хатт, уымæй хистæрты та – афæдз иу хатт.
