Амыдта йæ премьер Дзанайты Барис
Национ проекттæ нæ республикæйы куыд æххæстгонд цæуынц, ууыл ныхас цыд сæрмагонд æмбырды. Амыдта йæ премьер Дзанайты Барис. Архайдтой ма дзы Уæрæсейы Президенты æххæстбарджын минæвары хæдивæг Цæгат Кавказы федералон зылды Максим Владимиров, йе ххуысгæнæг Сергей Никитин, республикæйы сæйраг федералон инспектор Сергей Гончаров, æххæстæгæнæн хицаудзинады оргæнты, стæй федералон ведомствоты территориалон управлениты разамонджытæ. Бæрнон кусджытæ æрныхас кодтой ацы азы 7 мæйы куысты хатдзæгтыл. Максим Владимиров куыд бафиппайдта, афтæмæй Уæрæсейы субъекттæн ис ахсджиаг нысан, национ проекттæ æххæст кæнгæйæ. Уыимæ сæйрагдæр бæрæггæнæн – куыстыты хæрзхъæддзинад. Цæгат Ирыстоны æвдисы хорз динамикæ. Июлы кæронмæ национ проекттæ сæххæст кодтой 92% онг, – загъта æххæстбарджын минæвары хæдивæг. Сергей Никитины хъуыдымæ гæсгæ, Цæгат Ирыстон бюджетон хæстæ æххæст кæны иттæг хорз. Уыимæ федералон оргæнтимæ дæр цæуы æнгом æмархайд. Дзанайты Барис ма фехъусын кодта, 2023-æм азы нæ республикæйы социалон-экономикон рæзтæн, 12 национ проекты æххæст кæнгæйæ, æмтгæй райсгæйæ, радих кæндзысты 9 миллиард сомы. Арæзт æмæ рацарæзт цæуынц 150 социалон æмæ инженерон инфраструктурæйы объекты. Национ проектты паддзахадон контракттæ дæр сты ахадгæ. Уыцы практикæ царды уадзынц 2021-æм азæй фæстæмæ, Цæгат Ирыстоны сæргълæууæг Сергей Меняйлойы хъæппæрисмæ гæсгæ.
