Ацы аз нацпроект «Цардæн инфраструктурæ»-мæ гæсгæ базилдзысты 46 километрмæ
Национ проектты фæрцы Цæгат Ирыстоны фæстаг 5 азмæ сцалцæг кодтой фæндæгты 370 километры. Ацы аз нацпроект «Цардæн инфраструктурæ»-мæ гæсгæ базилдзысты 46 километрмæ. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Специалисттæ сæрмагонд æргом здахынц сывæллæтты рæвдауæндæттæм, скъолатæм, поликлиникæтæм, рынчындæттæм æмæ æндæр социалон объектæм цы фæндæгтæ цæуынц, уыдонмæ. Зæгъæм, «Кавказ» – Брут – Хуымæллæджы» фæндаджы уаццаг цæуы Бруты сæйраг уынджы, хъæуы æппæт æхсæнадон æмæ административон бæстыхæйттыуылты. Ныртæккæ дзы цæуынц ахадгæ куыстытæ: специалисттæ сфидар кодтой фæндаджы бындур æмæ былгæрæттæ. Магистралы сæвæрдтой асфальты лæгъзгæнæн æмæ уæллаг цъæрттæ. Фæндæгты хæдзарады комитеты специалисттæ куыд зæгъынц, афтæмæй цавæрфæнды куыстытæ æххæстгæнгæйæ дæр сæйраг хæс у фæндæгтæ скæнын æнцонвадатдæр æмæ æдасдæр куыд республикæйы цæрджытæн, афтæ шофыртæн дæр.
