Федтой, аразджытæ сæ мгъуыдмæ гæсгæ куыд ййафынц, æмæ аргъ скодтой сæ куысты хæрзхъæддзинадæн
Национ проекты фæлгæты цы фельдшерон-акушерон пункттæ аразынц, уыдоны цæттæдзинад сбæрæг кодтой Æппæтуæрæсеон адæмон фронты уæнгтæ. Федтой, аразджытæ сæ мгъуыдмæ гæсгæ куыд ййафынц, æмæ аргъ скодтой сæ куысты хæрзхъæддзинадæн. Горæтгæрон районы хæххон хъæуты фельдшерон-акушерон пунктты арæзтад федта не сфæлдыстадон къорд дæр.
Уæллаг Санибайы тагъд скусдзæн фельдшерон-акушерон пункт. Объект сцæттæ октябры кæрон. Йæ архайдмæ та йын рагæй æнхъæлмæ кæсынц, зæронд бæстыхай ныззауат, медицинон кусджыты уавæртæ зæрдæ райгæ нæ уыдысты. Ныр ног кусæнуат дзуапп дæтты нырыккон домæнтæн, ифтонг у кусæнгæрзтæй, ис дзы процедурæтæ кæнæн уат.
Æппæтуæрæсеон адæмон фронты уæнгтæ сбæрæг кодтой Горæтгæрон районы 3 хохаг медицинон кусæнуаты. Объекттæ хъуамæ цæттæ уой афæдзы кæронмæ. Алы арæзтадыл дæр хардзгонд цæуы 6 милуанæй фылдæр.
Хохы Санибайы медицинон кусæнуаты арæзтад афойнадыл нæ фæуыдзысты. Бындур æвæргæйæ зындзинæдтæ сæвæзрд мæры аххосæй. Фарста алыг кодтой æмæ йын ныр æмбæрзынц йæ сæр.
Æмгъуыдæй фæстæдæр арæзтад фæуыдзæн Хъæрмæдоны дæр. Ныртæккæ архайд цæуы мидæгæй, уый фæстæ та райдайдзысты алфамбылайы аивгæнæн куыстытæ.
Фельдшерон-акушерон пункттæ арæзт цæуынц, национ проекттæ æххæст кæнгæйæ. Афæдзы кæронмæ скусдзысты 36 ног медицинон кусæнуаты.
