Нырыккон бирæфадатджын студитæ, уæрæх авналæнтæ æмæ сæ куыстыл æнувыд специалисттæ
5 азы рацыд, суткæйы 24 сахаты эфирмæ бакæсæн кæмæн ис, Ирыстоны ахæм фыццаг телеканал куы фæзынд, уæдæй. Нырыккон бирæфадатджын студитæ, уæрæх авналæнтæ æмæ сæ куыстыл æнувыд специалисттæ. Национ телеканалы ис 70 сæрмагонд проектæй фылдæр. Ныхас дзы цæуы царды ахсджиаг фарстатыл. Уæлдай хъусдард дзы цæуы национ программæтæм. Ныр 5 азы эфирæй зæлы ирон ныхас, æвдыст цæуынц алыхуызон равдыстытæ. Национ телеуынынад «Осетия-Ирыстон» адæмы зонгæ кæны, экономикон, политикон æмæ социалон къабæзты цы ахсджиаг цаутæ цæуы, уыдонимæ. Ног телеканал 5 азы размæ баххæст кодта æппæтуæрæсеон медиа-тыгъдад æмæ бæрнонæй архайы йæ размæ æвæрд хæстыл. Уацхæсджытæ, оператортæ, продюсертæ, режисертæ, монтажæртæ, администратортæ, амонджытæ. Бирæтæм сæ куысты райдиан сæрмагонд ахуырад дæр нæ уыд, фæлæ уыйхыгъд сæхи ацы къабазы ссардтой. Ныр та ма «Осетия – Ирыстон» ахызт иу къæпхæны сæрты. Телекомпани сси телерадио кусджыты национ ассоциацийы уæнг.
