филиал вгтрк государственная телерадиовещательная компания “Алания”

Наукæйы бонтæ æххæст кæнгæйæ, Цæгат Ирыстоны паддзахадон университеты журналистикæйы факультеты студенттæ бабæрæг кодтой Дзæуджыхъæуы технологон центр «Баспик».

Наукон æмæ промышленнон комплекс аразы микроканалон пластинæтæ æмæ æндæр технологон кусæнгæрзтæ. Арæзт æрцыд Цæгат Кавказы хæххон металлургон институты бындурыл, ахуыргæндты къорды æмæ специалистты хъæппæрисæй, сæ сæргъы профессор Хъулаты Сослан, афтæмæй. Ныртæккæ куыстуаты фæллой кæны 300 адæймаджы онг. Се хсæн Уæрæсейы зындгонд ахуыргæндтæ æмæ инженертæ. Æхсызгон у уый, æмæ дзы сæ зонындзинæдтæ равдыстой нæ университеты рауагъдонтæ дæр. «Баспик» у иунæг куыстуат нæ бæстæйы, микроканалон пластинæтæ чи аразы. Пайда сæ кæнынц æхсæвыгон кусæнгæрзты æмæ алыхуызон наукон æмæ техникон аппаратурæйы. Компанийы ма кусы Уæрæсейы хуыздæр наукон скъола дæр. Æдæппæтæй дунейы ис 5 ахæм технологон центры: Японийы, Америкæйы Иугонд штатты, Китайы, Францийы æмæ Уæрæсейы.