филиал вгтрк государственная телерадиовещательная компания “Алания”

Зæлдаг фантази. Наукон библиотекæйы залы байгом Наталья Юрковайы сæрмагонд равдыст. Йæ куыстытæ сты хъуымацыл конд.

Нывгæнæг каст фæци Дзæуджыхъæуы аивæдты училищæйы нывкæнынады хайад. Фæлæ йæ уæддæр фæндыди хъуымацимæ кусын, æмæ йæ зæрдæйы фæндонмæ гæсгæ Мæскуыйы бацыди сæрмагонд ахуыргæнæндонмæ. Ныр адæмы размæ хæссы ацы аивады сусæгдзинæдтæ. Цы куыстытæ равæрдта равдысты, уыдон конд сты алыхуызон техникæмæ гæсгæ. Наталья йæхæдæг куыд зæгъы, афтæмæй йе сфæлдыстадæй аив кæны алыхуызон хъуымæцтæ, фæлæ йæ зæрдæмæ тынгдæр цæуы зæлдаг. Экспозицийы фенæн ис нывгæнæг 6 азы кæуыл кусы, ахæм нывтæ. Фылдæр дзы ис, хъуырбæттæнтæ æмæ кæлмæрзæнтæ. Кæддæгтыл снывæзта этникон орнаменттæ, аргъæуттæй ист сюжеттæ æмæ дидинджытæ. Ацы æртæ темæйы нывгæнæгæн сты æппæты уарзондæр.