14 ноября 2022, 12:03
Наукон кусæг Сергей Маркедонов дæсныйадæвдисæг ахуыртæ скодта дзыллон информацийы фæрæзты, пресс-службæты минæвæрттæн
Ныхас цыди Уæрæсейы æддагон политикæйыл фæстаг 31 азмæ
«Уæрæсейы æддагон политикæ. Йæ сæйраг нысантæ æмæ приоритеттæ». Мæскуыйы æппæтадæмон ахастдзинæдты паддзахадон институты раззагдæр наукон кусæг Сергей Маркедонов дæсныйадæвдисæг ахуыртæ скодта Цæгат Ирыстоны дзыллон информацийы фæрæзты, пресс-службæты минæвæрттæн стæй уæлдæр ахуыргæнæндæтты кусджытæн. Ныхас цыди Уæрæсейы æддагон политикæйыл фæстаг 31 азмæ. Уæлдай æргом аздæхта, Советон Цæдис куы фехæлди, æмæ картæйы 15 ног хæдбар паддзахады куы фæзынди, уыцы ахастдзинæдтæм. Политолог куыд загъта, афтæмæй ахæм бæстон ныхасæн ис стыр ахадындзинад. Сæ фæрцы базонæн ис уæрæсейаг политикæ куыд ивта æмæ йын цавæр фидæн ис, уый.
