Мадзалы сæйраг нысан уыд нейрохирургты профессионалон архайды сæйраг фарстатыл æрныхас кæнын
Нейрохирургийы къабазы 130 специалисты сæмбырд сты æрвылазон конференцийы Дзæуджыхъæуы. Мадзалы сæйраг нысан уыд нейрохирургты профессионалон архайды сæйраг фарстатыл æрныхас кæнын. Профилон специалисттæ Мæскуыйæ æмæ Цæгат Кавказы федералон зылды субъекттæй бакастысты лекцитæ, радзырдтой сæ фæлтæрддзинады тыххæй. Конференцийы æмсæрдартæ систы республикæйы Хицауады сæрдары хæдивæг Александр Реутов æмæ æнæниздзинадхъахъхъæнынады министр Тебиаты Сослан. Цæгат Кавказы бирæпрофилон медицинон центры нейрохирургийы хайады куысты тыххæй бæстон докладимæ раныхас кодта æнæниздзинадхъахъхъæнынады министрады сæйраг æнæштатон специалист-нейрохирург Дедегкаты Азæмæт. Æрвылазон фембæлды сæйраг хæстæ сты – лæмбынæг æркæсын уæззаудæр медицинон цаутæм æмæ æрыгон специалисттæм фæлтæрддзинад хæццæ кæнын.
