Зындгонд гидробиолог 40 азы дæргъы иртасы æнастæухъæд доны цæрæгойты хуызтæ
Нифаргус Черчесова. Афтæ схуыдтой, Цæгат Ирыстоны цы 6 ног хуызы доны цæрæг æнастæухъæд цæрæгойты ссардтой, уыдонæй иуы. Иртæстытæ сарæзтой Уæрæсейы зонæдты академийы экологийы æмæ эволюцийы институты кусджытæ. Нифаргусæн радтой зындгонд гидробиолог, ЦИПУ-йы профессор Черчесты Сусаннæйы мыггаг. Ахуыргондимæ фембæлд Чехойты Фатимæ.
Зындгонд гидробиолог 40 азы дæргъы иртасы æнастæухъæд доны цæрæгойты хуызтæ. Уонмæ цымыдисдзинад йæ зæрдæйы фæзынд ЦИПУ-йы ахуыргæнгæйæ. Йæ фыццаг зонадон куыст уыд иртасын ахæм цæрæгойты Цраудоны, фæстæдæр та республикæйы сæйраг цæугæдон – Терчы. Черчесты Сусаннæ цы стыр æвæрæн бахаста зонадмæ, уый тыххæй 6 ног доны æнастæухъæд цæрæгойтæй иуæн радтой ахуыргонды мыккаг æмæ ныр хуыйны Нифаргус Черчесова.
Афтæ зæрдиагæй цæугæдæтты æнастæухъæд цæрæгойты тыххæй ныхас кæнын, микроскопæй сæм кæсын йæ бон у, йæ дæсныйад æгæрон уарзт чи кæны, ахæм адæймагæн. Ахуыргонд у 100 зонадонæй куысты фылдæры автор, уыдонимæ монографи «Амфибиотические насекомые рек Северной Осетии». Черчесты Сусаннæ у Уæрæсейы энтомологон æмæ æппæтадæмон плекоптерологон иугонды уæнг. Доны цæрæгойты тыххæй зонындзинæдтæ профессор æнæвгъауæй амоны студенттæн.
Ныртæккæ гидробиологты зонадон куыст баст у Терчы цæрæгойтæ иртасынимæ. Ахуыргæндтæ дарддæр дæр фæнд кæнынц сæ цæст дарын ног кæй байгом кодтой, уыцы 6 доны цæрæгойы хуызмæ, уыдонимæ ис Нифаргус Черчесова дæр.
