Амыдта йæ хицауады сæрдар Тускъаты Таймураз.
Ног ахуыры азмæ скъолатæ куыд цæттæ, сты ууыл ныхас цыд æнæнхъæлæджы цаутæ ма руадзыны къамисы радон æмбырды. Амыдта йæ хицауады сæрдар Тускъаты Таймураз.
Ахуырад æмæ наукæйы министр Людмила Башарина куыд фехъусын кодта, афтæмæй 489-ты ныронг нæ райстой цæттæдзинады паспорттæ. Уыимæ радзырдта скъолатæ æмæ рæвдауæндæттæ ног ахуыры азмæ бацæттæ кæнынæн ацы аз кæй радих кодтой 92 милуаны æмæ 423 мин сомы. Уыдонæй 17 милуаны схардз кодтой зынгсирвæзты ныхмæ мадзæлттыл. Æнæнхъæлæджы цауты министрады хицауы хæдивæг Дзанайты Павел куыд радзырдта, афтæмæй афæдзы райдианæй æркастысты 126 организацийы уавæрмæ, сбæрæг кодтой 811 рæдыды, уыдонæй сраст кодтой 182, административон дзуапп ратдзысты 83. Æмбырды рæстæг фæнысан кодтой, фæрæзтæ кæй нæ фаг кæны, уый аххосæй зынгсирвæзты ныхмæ мадзæлттæ æххæстæй канд ахуыргæнæндæтты арæзт нæ цæуынц, фæлæ ма, социалон нысаниуæг кæмæн ис, уыцы объектты дæр. Фарстата ис æмæ сæ алыг кæныныл хъæуы бакусын, ахæм уынаффæ хаст уыд æмбырды.
