Кълæсты гом уроктæ баст уыдысты ахуыры азимæ, скъоладзауты ахуырмæ сразæнгард кæнынимæ
Ног ахуыры азы агъоммæ Дзæуджыхъæуы скъолаты ацыдысты æдасдзинады культурæйы уроктæ. Кълæсты гом уроктæ баст уыдысты ахуыры азимæ, скъоладзауты ахуырмæ сразæнгард кæнынимæ. Сæйрагдæр та – рæзгæ фæлтæры зæрдыл æрлæууын кæнын æдасдзинады культурæйы фæтк, адæймаджы цардæн тæссаг уавæрты раст архайыны мадзæлттæ. Æнæнхъæлæджы цауты рæстæг раст архайыны æгъдæутты инструктаж скъоладзаутæн скодтой сæ кълæсты разамонджытæ. Радзырдтой сын, зæгъæм, фæндаджы сæрты раст ахизын, зынгсирвæзты рæстæг хи куыд дарын хъæуы, кæнæ донæмбырдгæнæнты æдас ранмæ куыд рацæуын хъæуы. Уæвгæ, ахæм уроктæ сабитæн скæнынц афæдзы дæргъы дæ, фæлæ, ног ахуыры азы агъоммæ сты уæлдай ахадгæ.
