Сабитæн фадат уыд лæвар сæхи ирхæфсынæн. Ацы хъæппæрис Æрыдоны бынæттон хиуынаффæйад хорзыл банымадта. Хæрзаудæн мадзал ма иу хатт равдыста, чысыл бизнес канд экономикæйы рæзты бындуры кæй нæй, фæлæ ма социалон фарстатæ лыг кæнынæн дæр ахъаз кæй у, уый.
Æрыдоны фæкæсынхъуаг чи у, уыцы сывæллæттæм сæ хъус дарынц куыд хицаудзинад, афтæ амалхъом адæм дæр. Радон хæрзаудæн акци сын скодта, æрæджы цы кусæндон байгом, уый. Сабитæн фадат уыд лæвар сæхи ирхæфсынæн. Рæзгæ фæлтæрæн сæ уæгъд рæстæг æрвитынæн сæрмагонд бынат кæй скодтой, уый Æрыдоны бынæттон хиуынаффæйад хорз хъæппæрисыл банымадта.
Хæрзаудæн мадзал ма иу хатт равдыста, чысыл бизнес канд экономикæйы рæзты бындуры кæй нæй, фæлæ ма ахъаз кæй у социалон фарстатæ лыг кæнынæн дæр. Ацы кусæндон дарддæр дæр нысан кæны сывæллæттимæ кусын.
Æрыдоны районы инвалид сывæллæтты мадæлты комитеты кусджытæ куыд зæгъынц, афтæмæй сæ иу курдиат дæр æнæ хъусдардæй никуы баззайы. Ахæм акцитæ та стыр æхсызгондзинад хæссынц сабитæн, стæй сæ ныййарджытæн дæр.
Ацы акци ацыд ног ахуыры азы райдианы кадæн. Сывæллæтты зæрдæтæ барухс кодта районы разамынд дæр – скодтой сын лæвар сихор.
Фæрниаты Мæдинæ
