Стандарттæ баст сты историон ахуырад ног хуызы рацаразынимæ æмæ патриотон хъомылад райрæзын кæнынимæ
Ног ахуыры азыл скъоладзаутæ сæмбæлдысты ахуырады системæйы ногдзинæдтимæ. Ног стандарттæ баст сты историон ахуырад ног хуызы рацаразынимæ æмæ патриотон хъомылад райрæзын кæнынимæ. Дисциплинæты номхыгъд кæны уæрæхдæр. Нырæй фæстæмæ дзы фæзындзæн киноуроктæ дæр. Истори зоныны æмæ йæ бахъахъхъæныны тыххæй скъоладзаутæн æвдисдзысты хæрзхъæд аивадон æмæ документалон кинонывтæ. Фыццæгæмкъласонтæн дзурдзысты бæстæйы историйы тыххæй. Хистæр скъоладзауты ахуырадмæ та бахæсдзысты курс «Уæрæсе-мæ истори». Куыд нысан кæнынц, афтæмæй ма байгом уыдзæн стыр проект «Ахсджиаг хъуыддæгтыл ныхас». Урокты ахуыргæнджытæ скъоладзаутимæ дзурдзысты бæстæйы, регионы æмæ скъолайы цы ахсджиаг цаутæ æрцыди, уыдоныл. Уымæй уæлдай ахуырдзаутæн бакуыстой бæстæйы паддзахадон символты тыххæй сæрмагонд урокыл. Ивддзинæдтæ хаст æрцæудзæн скъолаты хæринаджы системæмæ дæр. Ацы мæйæ фæстæмæ тæвд хæринагæй ифтонггонд æрцæудзысты кæстæр кълæсты ахуырдзаутæ. Ахуыргæнæндæтты сайтты фенæн уыдзæни меню. Афтæмæй, ныййарджытæн сывæллæтты хæрды тыххæй сæ бон бахæссын уыдзæни сæ фиппаинæгтæ. Ис дзы æндæр ногдзинæдтæ дæр, иууылдæр баст сты ахуырады системæйы хæрзхъæддзинадимæ.
