Сæ быцæуы аххосаг – ног гараж. Цалынмæ йæ иутæ аразгæ кодтой, уæдмæ иннæтæ та дзырдтой йæ ныхмæ.
Ног арæзтад æппынæдзух циндзинад нæ фæхæссы. Ахæм хъуыдыйыл хæст сты Михайловскæйы Строительты уынджы хæдзары цæрджытæ. Сæ быцæуы аххосаг – ног гараж. Цалынмæ йæ иутæ аразгæ кодтой, уæдмæ иннæтæ та дзырдтой йæ ныхмæ. Хъуыддаг афтæ рауад, æмæ ног объект сæхгæдта зынгсирвæзты ныхмæ рацæуæн. Уый та бынæттон цæрджытæ нымайынц тæссагыл. Уæвгæ арæзтадæн æмбæлгæ гæххæттытæ нæй, зæгъынц хъæуы администрацийы.
Сыхæгтимæ ныхас кæрæдзиуыл нæ бады. Михайловскæйы Аразджыты уынджы цæрджыты хсæн рауади ныхмæлæуддзинад. Сæ ныхасы сæр та у гараж. Цалынмæ иутæ бындурон арæзтад кодтой, уæдмæ иннæтæ та дзырдтой, арæзтад æнæзакъон кæй у, уый.
Фæрниаты Светланæ ацы хæдзары цæры 20 азы. Сылгоймаджы ныхæстæм гæсгæ, сыхæгтимæ баныхас кæнын, æмæ иу хъуыдымæ æрцæуын йæ зæрды уыди. Фæлæ дзы ницы хатдзæг рауад. Куырдтой арæзтадæн бардæттæг гæххæттытæ равдисын, фæлæ сæм хъæугæ документтæ дæр нæ разынди.
Документтæ сæм кæй нæй, уый дзурынц хъæуы администрацийы специалисттæ дæр. Ацы хæдзары цæрджытæ администрацимæ æххуысагур бацыдысты ивгъуыд къуырийы. Аразæгæн æмбарын кодтой сæвзæрд уавæр.
Уавæр равзарыны фадат афтæ дæр нæ разынд. Уый хыгъд гараж аразын сыхæгтæ ныридæгæн райдыдтой. Бадзырдтой участоктыл кусæг пъæлицæйагмæ. Уый фæстæ аразæг йæ хъуыдытæ аивта. Куыстытæ дарддæр нал ахæццæ кодта. Зæрдæ бавæрдта, бæстыхайы бындурæн цы дзыхъ скъахта, уый фæстæмæ кæй бамбæрздзæн, уымæй.
