Ног азы агъоммæ фæллой æмæ социалон рæзты министрад рæсугъд бæрæгбæттæ кæны, социалон æгъдауæй хъахъхъæнинаг чи у, уыцы сывæллæттæн.
Уырыссаг драмон театрмæ дæр хуынд æрцыдысты сабитæ Дзæуджыхъæуæй æмæ æппæт районтæй.
Уырыссаг драмон театрмæ дæр хуынд æрцыдысты сабитæ Дзæуджыхъæуæй æмæ æппæт районтæй. Республикæйы Сæргълæууæджы æмæ сын министрады номæй раарфæ кодта министры хæдивæг Гаситы Жаннæ. Сывæллæтты бахъæлдзæг, стæй сæ барæвдыдтой кодтой Митын Дада æмæ Митын чызг. Уый фæстæ та сын уырыссаг драмон театры актертæ равдыстой аргъау. Ахæм мадзæлттæ ма хæстæгдæр бонты ацæудзысты Ирон, Музыкалон æмæ Дыгурон театрты. Алы сабийæн дæр, стæй сæ ныййарджытæн ахæм бæрæгбон æрхаста æхсызгон æнкъарæнтæ. Уæлдай цин та бакодтой, Мамсыраты Таймуразы номæй цы лæвæрттæ райстой, уыдоныл. Æппæт республикæйы хъуамæ сбуц кæной 15 мин сывæллоны. Бæрæгбæттæ цæуынц канд Дзæуджыхъæуы нæ, фæлæ ма районты дæр.
Гаппуаты Зæидæ, фæллойы æмæ социалон рæзты министрады сæйраг специалист: «Нæ министрад кусы, паддзахадон æххуыс кæй хъæуы, уыцы бинонтимæ, кæнæм сын бæрæгбæттæ дæр. Бирæ сывæллæттæ кæмæн ис, æмæ сæ бон ахæм хорздзинад сæ кæстæртæн скæнын кæмæн нæу, уыдонæн мах æххуыс кæнæм. Ацы аз дæр, иннæ азты куыд уыд, афтæ, райсдзысты республикæйы Сæргълæууæг Мамсыраты Таймуразы номæй лæвæрттæ. 15 мин сывæллоны сты. Республикæйы районты, горæты цæрджытæ – фæстейы ничи баззайдзæн, алы сывæллон дæр райсдзæн адджын лæвæрттæ».
