Ног Азы агъоммæ инвалид-сывæллæтты реабилитацион центр «Алани»-йы хъомылгæнинæгтæн арæзт æрцыд бæрæгбон. Сабитæ архайдтой цымыдисаг конкурсты æмæ хъæзтыты , зарыдысты, кафыдысты. Хъæлдзæг сæ кодтой Ног Азы хъайтартæ – Митын Дада, Митын чызг æмæ къулыбадæг ус.
Ног Азы агъоммæ инвалид-сывæллæтты
реабилитацион центр «Алани»-йы хъомылгæнинæгтæн арæзт æрцыд бæрæгбон.
Сабитæ архайдтой цымыдисаг конкурсты æмæ хъæзтыты
, зарыдысты, кафыдысты. Хъæлдзæг сæ кодтой Ног Азы хъайтартæ – Митын
Дада, Митын чызг æмæ къулыбадæг ус. Акци арæзт æрцыд зæрдæхæлар адæмы
æххуысæй. Хъуамæ дзы архайдтаид 50 сывæллоны. Æрбацæуыны фадат кæмæн нæ
фæцис, уыцы сабитæн сæ лæвæрттæ фæхæццæ кæндзысты сæ хæдзæрттæм. Ахæм
бæрæгбæттæ цæудзысты 10-æм январмæ.
Хабæты Ханзарифæ, инвалид-сывæллæтты
реабилитацион центр «Алания»-йы сæрдар: «Нæ сывæллæттæ тынг зæрдиагæй
æнхъæлмæ кæсынц, Цæмæй сын Хуыцау æнæниздзинад балæвар кæна. Фæнды сæ се
мгæртты хуызæн згъорын, хъазын, сæ зæрдæ цас зæгъы, уый бæрц, фæлæ
фылдæр сабитæн сæ къухы нæ бафты. Уæддæр нæ зæрдæ дарæм, Ног Аз нын ног
хæрзтæ кæй æрхæсдзæн æмæ сæ гыццыл зæрдæтæ сын кæй барухс кæндзысты.
Зæххы цъарыл бирæ хорз адæм ис, æмæ сын Хуыцау æнæниздзинад радтæд,
зæрдæрухсæй, хъæлдзæгæй ног азмæ бахизæнт».
