Уый фембæлд Цæгат Ирыстоны физкультурæ æмæ спорты министримæ
Ног азы акци «Бæллицты заз бæлас» баххуыс кодта 14-аздзыд Бестауты Хетæджы зæрдиагдæр бæллиц сæххæст кæнынæн. Уый фембæлд Цæгат Ирыстоны физкультурæ æмæ спорты министримæ. Хетæгæн хъыгдард у йæ астæуыстæг. 4 азæй фылдæр цæуы фехтованийы секцимæ, æмæ йæ фидарæй уырны, размæ йæм олимпиадæ æнхъæлмæ кæй кæсы, уый. Йæ курдиатимæ фыстæг заз бæласæй райста Цæгат Ирыстоны æвзарæн къамисы сæрдар Моргуаты Жаннæ. Уый канд министримæ фембæлдæн нæ баххуыс кодта, фæлæ ма лæппуйæн балæвар кодта зондджын колонкæ. Амæй фæстæмæ йæ бон тренировкæтæ кæнын уыдзæн музыкæмæ гæсгæ. Хетæгимæ иумæ фехтованийы секцимæ цæуынц ноджыдæр 6 лæппуйы. Се ппæтæн дæр се нæниздзинад у цудыд. Æмæ сын Дзæуджыхъæуы администрацийы сæргълæууæг Милдзыхты Вячеслав балæвар кодта шлемтæ æмæ рапирæтæ. Акцийы бацархайдта республикæйы Парламенты депутат Саулохты Сæрмæт. Командæйæн æхсызгон лæварæн радта стъолыл хъæзтытæ. Ацы аз æппæтуæрæсеон акци «Бæллицты заз бæлас» арæзт цæуы сывæллæтты æмæ фæсивæды регионалон змæлд «Движение первых»-ы æххуысæй.
