Сабитæн раарфæ кæнынмæ æрбацыдысты паддзахадон автоинспекцийы, арæнхъахъхъæнæн управленийы, таможняйы кусджытæ, æхсæнадон организациты минæвæрттæ. Æрбахастой сын лæвæрттæ. «Ласка»-йы хъомылгæнинæгтæ бацæттæ кодтой музыкалон равдыст.
Сабитæн раарфæ кæнынмæ æрбацыдысты
паддзахадон автоинспекцийы, арæнхъахъхъæнæн управленийы, таможняйы
кусджытæ, æхсæнадон организациты минæвæрттæ.
Æрбахастой сын лæвæрттæ. «Ласка»-йы хъомылгæнинæгтæ бацæттæ кодтой
музыкалон равдыст. Кæфтытæ, зарджытæ, алыхуызон конкурстæ. Сывæллæттæ
ацы бæрæгбонмæ тынг фенхъæлмæ кæсынц. Вæййы сæм рæсугъд бæллицтæ.
Уыдонæй бирæтæ сæххæст вæййынц зæрдæхæлар адæмы æххуысæй.
Бекъойты Артур, фæндæгтыл æдасæй цæуыны
паддзахадон инспекцийы хицауы хæдивæг: «Зæрдиагæй сын раарфæ кодтам.
Сывæллæттæн лæвæрттæ скодтам. Арфæ сын кæнæм, Ног аз сыл хорзæй куыд
æрцæуа, уыцы амонд сæ уæд».
Торчынты Зæлинæ, сывæллæтты
хæдзар-интернат «Ласка»-йы дохтыр: «Нæ сывæллæтæ ацы бæрæгбонмæ тынг
фенхъæлмæ кæсынц. Фæкурынц Митын Дадайæ лæвæрттæ, фæфыссынц фыстæджытæ,
цæмæй се нæниздзинад фæхуыздæр уа, цæмæй сæ мадæлтæ æмæ фыдæлтæ сæ
фарсмæ уой. Тынг сæ фæнды, цæмæй алы хæдзары дæр уа ахæм бæрæгбон. Ис
бирæ зæрдæхæлар адæм. Æрбацæуынц нæм, бирæ лæвæрттæ скæнынц. Уыцы адæмæй
иу у Хъазыбегты Георгий. Уый сывæллæттæн скодта сæрдыгон хæдзар. Нæ
зæрдæ йын арфæ кæны».
