филиал вгтрк государственная телерадиовещательная компания “Алания”

Амыдта йæ Хицауады сæрдары хæдивæг Зæнгионты Виталий. Фыццаджыдæр, стыр æргом здæхт уыд, бирæ адæм кæм æмбырд кæндзысты, уыцы кусæндæттæм. Зынгхуыссынгæнæг службæтæн бабар кодтой алы бæстыхай сбæрæг кæнын, цæмæй адæм фыдбылызтæй хызт уой. Пиротехникæ кæй сарæх вæййы, уый дæр, æнæмæнгæй, мæты æфтауы. Уымæ гæсгæ, æрвылаз куыд вæййы, афтæ ныр дæр къамис рахаста уынаффæ, цæмæй уæй кæныны бар уа, сертификаттæ æмæ æндæр хъæугæ гæххæттытæ кæмæн ис, уыцы рæмудзæн фæрæзтæн, уыимæ сæрмагонд дуканиты. Æхгæд бæстыхæйтты пиротехникæйæ пайда кæнæн нæ уыдзæн. Къамисы уæнгты раз бæлвырд хæстæ æвæрд æрцыдысты адæмы æдасдзинад хъахъхъæныны фæдыл.

Зæнгионты Виталий, РЦИ-Аланийы Хицауады сæрдары хæдивæг: «Бирæ хъуыддæгтæ цæудзæн Ирыстоны. Сывæллæттæ сæм æмбырд кæндзысты, æмæ цæмæй æнæ фыдбылызтæй ацæуой, уый тыххæй бирæ уынаффæтæ бакодтам мидхъуыддæгты министрадæн æмæ æнæнхъæлæджы уавæрты управленийæн. Кæртытæй æмæ бирæуæладзыгон хæдзæрттæй фехсынц, арæх фыдбылызтæ дæр æрхæссынц, æмæ сидын фæсивæдмæ, цæмæй хæцæнгарзæй ма пайда кæной».