филиал вгтрк государственная телерадиовещательная компания “Алания”

Ног азы фæткмæ гæсгæ Битарты Вячеслав фембæлд республикæйы амалхъом адæмимæ.

Республикæйы сæргълæууæг куыд загъта, афтæмæй сæ архайдæй бирæ социалон проекттæ æххæстгонд цæуынц царды – ног куысты бынæттæ, къабæзты райрæзт, хъалонты фиддонтæ регионалон бюджетмæ. Сæ æнтыстджын архайды фæдыл сын Битарты Вячеслав загъта бузныг æмæ республикæйы социалон-экономикон райрæзтмæ æвæрæн кæй хæссынц, уый тыххæй Æнæххæстбарджын æхсæнад «Дорстрой»-ы генералон директор Бирæгъты Ростислав, «Арианна -С»-ы коммерцион директор Гаглойты Артур, «Строй – модерны» генералон директор Медойты Хетæг, «Абрикос РА»-йы разамонæг Алан Рогачев, «Колхоз «Виноградное»-йы директор Гуцъаты Фридон, компаниты къорд «Салют»-ы разамонæг Къомайты Эльбрус хорзæхгонд æрцыдысты Республикæ Цæгат Ирыстон-Аланийы Кады грамотæтæй.