филиал вгтрк государственная телерадиовещательная компания “Алания”

Ног фатерæй дæгъæлтæ райстой Коваленкоты бинонтæ. Мадзал кадджын уавæры ацыд Дзæуджыхъæуы администрацийы. Фатеры хицæуттæн арфæ ракодтой горæты бынæттон администрацийы разамонæг Милдзыхты Вячеслав æмæ муниципалон сконды сæргълæууæджы хæстæ æххæстгæнæг Сæлбиты Зитæ. Иннæ Коваленко æмæ йæ бинойнаг хъомыл кæнынц дыууæ сывæллоны, сæ иу у инвалид. Бинонтæ нырмæ цардысты къуындæг уавæрты. Ведомствæты хсæн къамис сын сæ фатер банымадта цæрынæн чи нæ бæззы, ахæмыл. Ныр сын радтой æппæт домæнтæм гæсгæ арæзт фатер. Ис сын дзы алы хъæугæ дзаумæттæ. Афтæмæ, бинонтæ æрцæрдзысты нырыккон æмæ райдзаст хæдзары.