Æрæджы уыди йæ презентаци. Уæвгæ «Осетия ньюс» ныридæгæн дæр адæм зонынц. Йæ журналисттæ се рмæджытæ афæдз мыхуыр кодтой алыхуызон зындгонд социалон хызты.
Республикæйы информацион тыгъдад фæфылдæр. Ног хæбæрттæ ныр базонæн ис информацион портал «Осетия ньюс»-ы дæр. Æрæджы уыди йæ презентаци. Уæвгæ «Осетия ньюс» ныридæгæн дæр адæм зонынц. Йæ журналисттæ се рмæджытæ афæдз мыхуыр кодтой алыхуызон зындгонд социалон хызты. Къуыримæ дыууæ милуаны æмæ æрдæг æркасты, аудитори – 150 мин адæймаджы. Ацы статистикæйæ «Осетия ньюс»-ы уæнгтæ сты сæрыстыр. Сæрмагонд сайты фæзындимæ та журналисттæ зæрдæ дарынц ноджыдæр фылдæр адæмыл. Ацы проектыл кусын райдыдтой ЦИПУ-ы цалдæр æрыгон рауагъдоны. Ныр редакцийы ис 10 журналисты. Фыссынц, кæнынц фоторепортажтæ, исынц видеосюжеттæ. Портал царды кæй рацыди, уый тыххæй сфæлдыстадон къордæн арфæ ракодтой се мкусджытæ. ПТРК -йы директор Хъуысаты Тимур загъта, ног фæрæз æххуыс уыдзæн республикæйы информацион тыгъдад фæфидар кæнынæн.
