Уый тыххæй аппаратон æмбырды фехъусын кодта фæлхасадмæ цæстдарды республикон управленийы разамонæг Тыбылты Алан.
Ног коронавирусы инфекцийæ рынчынты нымæц у рæстæмбис. Ковид-стационарты дæр пациентты нымæц кæны къаддæр. Фæстаг къуыримæ ацы низæй ничи амард. Уый тыххæй аппаратон æмбырды фехъусын кодта фæлхасадмæ цæстдарды республикон управленийы разамонæг Тыбылты Алан. Æнæниздзинадхъахъхъæнынады министрады хъусынгæнинагмæ гæсгæ, рынчындæттæ дарддæр ифтонг кæнынц туаггуыры системæтæй. Дыууæ станцæйы скусдзысты хæстæгдæр рæстæг. Уымæй дарддæр ма иу нæ республикæмæ æрбафтдзæн мæйы кæрон. Сæвæрдзысты йæ Æрыдоны центрон рынчындоны. Æмбырды ма ныхас цыд сывæллæтты фæлладуадзæн рæстæгыл. Фыццаг фæлтæр Сау деджызы былмæ ацæудзæн 31-æм майы. Æдæппæтæй сæрдыгон каникулты лагерьты баулæфдзысты 1400 сывæллоны. Дарддæр куыст цæуы æхсæнадон территоритæ аив кæныныл. Ныридæгæн цæттæ у Доны станцæ. Дыууæ цады дæр цæттæ сты найынмæ. Сæвæрдтой дзы ирвæзынгæнæн станцæтæ. Аив кæнынц парктæ æмæ сквертæ. Пушкинскийы уынджы сцæттæ сты къахвæндæгтæ æмæ дзы сæвæрдтой рухсытæ. Жуковскийы парчы хъæуы куыстытæ фæтагъд кæнын. Ссардæ дзы уыд рагон ингæнтæ, уымæ гæсгæ цалцæггæнæн куыстытæ аргъæвтой мæй æмæ рдæгмæ.
