Ацы аз паддзахад транспортон фæрæзтæй сифтонг кодта 5 адæймаджы
Социалон фæдзæхстады фонды минæвæрттæ ног машинæтæй дæгъæлтæ радтой, сæ куысты хъыгдард чи баййæфта, ахæм адæмæн. Ацы аз паддзахад транспортон фæрæзтæй сифтонг кодта 5 адæймаджы. Ног машинæтæ «Лада ГРАНТА»-йæ дæгъæлтæ сын радтой республикæйы Хицауады сæрдары хæдивджытæ Æгъуызарты Мурат æмæ Тугъанаты Ларисæ. Машинæтæ ифтонг сты автоматикон кусæнгарзæй æмæ къухæй архайыны сæрмагонд механизмæй. Фæстаг 20 азмæ фæллойгæнджытæн радтой 100 машинæйæ фылдæр. 7 азмæ иу хатт сæ бон у сæ транспорт сног кæнын. Ахæм паддзахадон æххуысы хуыз Цæгат Ирыстоны æххæст кæнынц рæстæгæй-рæстæгмæ. Ныртæккæ нæ республикæйы социалон фæдзæхстады фонды хыгъды ис мин адæймагæй фылдæр, сæ куысты хъыгдард чи баййæфта, кæнæ та профессионалон низтæ кæмæ ис, ахæмтæ. Машинæтæ райсын та закъонмæ гæсгæ бар ис æрмæстдæр 40 адæймагæн.
